شاعیر: بێسارانی
کتێب: دیوانی بێسارانی
سەرناو: زڵېخام چەمەر
سەبارەت: هێنانە سەر ڕێنووسی هۆرامی: ئاکۆ مارانی

زڵېخام چەمەر...
زوڵفش پەی شینم خاس بەستەن چەمەر

پۊشا بەرگی ساف سېیای موشک پەروەر
کەردەن بەسەردا پېیاڵەی عەنبەر

زوڵفانش لۇل دان بە ماتەمەوە
بەند بېیەن بە چەنگ خاری خەمەوە

یانی دۇ دیدەش خوماری داران؟
وەرنە پېم دەران دەوای بیماران

کەسێ زوڵفی ئەو پېش چەمەر گیرەن
ماوای بەهەشتش جە کۊ جە ویرەن؟

++++++++++++++++++++++