شاعیر: بێسارانی
کتێب: دیوانی بێسارانی
سەرناو: زامداری دەردان
سەبارەت: هێنانە سەر ڕێنووسی هۆرامی: ئاکۆ مارانی

زامداری دەردان...
من گۊشەنشین، زامداری دەردان

مەگېڵۇم چۇن چەرخ، وېڵ و سەرگەردان
بەتەر خەزانان، سەر گەردان کەردان

بەتەر جە خەزان، دەردم خېزیان
جە دەردشان چۇن سەیل ئەسرم ڕېزیان

خەزانان دېز ڕەنگ، ئالای گوڵ نە گڵ
ئېشناشان زامی ناسۊر کەفتەی دڵ

ئیسە وېڵی من وە جایێ یاوان
ئەجەل پەی کوشتەم نەدارۊ تاوان

++++++++++++++++++++++