شاعیر: بێسارانی
کتێب: دیوانی بێسارانی
سەرناو: دەردی مەجنۇن پېم
سەبارەت: هێنانە سەر ڕێنووسی هۆرامی: ئاکۆ مارانی

دەردی مەجنۇن پېم...
فەلەک داد، دۇچار دەردی مەجنۇن پېم

هیجران دۇ دەستە ئایر وەردان جېم
دیم بە عەرشەوە دۇدی ئاهی وېم

ناڵەم نە ناڵەم، ئایر خېزنا
ئەسرینم تۊفان نۇح ئەنگېزنا

من وېنەی غەواس، سەر سەنگ ڕەسیدە
غەرق بیم نە گېجاو تۊفانی دیدە

چەنی ئاهی دەرد مەجنۇن جە خاودا
هەر گېجم مەوەرد شەو نە گېجاودا

++++++++++++++++++++++