شاعیر: بێسارانی
کتێب: دیوانی بێسارانی
سەرناو: دڵەی کەمتەر ویر
سەبارەت: هێنانە سەر ڕێنووسی هۆرامی: ئاکۆ مارانی

دڵەی کەمتەر ویر...
دڵەی کەم خەیاڵ، کەم فامی کەم ویر

شۊ، جان فیدایی جە پەروانە گیر
پەروانە دارۊ، جە شۊڵەی ئایر

وېنەی پەروانە پڕ مەیل و وەفا
پەرێ وەسڵی دۊس بکېشە جەفا

تا بە ئایری عیشق دڵ یەند نەسۊزۊ
کەی ساکن مەبۊ؟ هەر دۊس مەبېزۊ

وېت دە بە ئایر وېنەی پەروانان
تا جە تاییفەی مەجنۇنت وانان

++++++++++++++++++++++