شاعیر: بێسارانی کتێب: دیوانی بێسارانی سەرناو: دڵە لاڵ خاسەن سەبارەت: هێنانە سەر ڕێنووسی هۆرامی: ئاکۆ مارانی دڵە لاڵ خاسەن... زوان بەستەی لەنگ و لاڵ خاسەن جە بۍ بەینەتان بەین بەتاڵ خاسەن جە لای دڵ خاران خەم خەیاڵ خاسەن جەستەی بېزاریت سەنگەسار خاسەن گڵکۊی نەدیەنت، نادیار خاسەن دیدەی نەمینت بەبۍ نۇر خاسەن جە وەقتی جەولان نۇر جەی دۇر خاسەن سا کە تۊ وېت دی بەی حاڵ و وېنە هیچ بە قەول و فېعل ئېقرار مەبینە ++++++++++++++++++++++