شاعیر: بێسارانی
کتێب: دیوانی بێسارانی
سەرناو: دڵە دەردی دۇن
سەبارەت: هێنانە سەر ڕێنووسی هۆرامی: ئاکۆ مارانی

دڵە دەردی دۇن...
بۊ، مەبە وە تەنگ جەفای دەردی دۇن

وېت مەکەر بە چنگ خاری خەم زەبۇن
بۍ پەروا نیشە تا چۇن مەبۊ چۇن

ئەر خەم و خەیاڵ، چۇن کۊ لېت بارەن
ئەر شادیش مەبۊ، هەزار هەزارەن

ئاخر هەر دۇشان بەبۍ مودارا
مەویەران چۇن باد، بۍ سۇد وە سارا

سا بە بی سۇدەن خەم و شادی دۇر
بۊ تا پەی شادیش بنیەم بەندی جۇر

گەردەن نیهادەی بەندی قەزاش بە
بۍ پەروا جە بەند ڕشتەی ڕەزاش بە

++++++++++++++++++++++