شاعیر: بێسارانی
کتێب: دیوانی بێسارانی
سەرناو: دڵە تۊ جە تەوق
سەبارەت: هێنانە سەر ڕێنووسی هۆرامی: ئاکۆ مارانی

دڵە تۊ جە تەوق...
مەتەرس جە ئاهر، خەوف مەکەر جە تەوق

پەروانە دەستۇر بسۊچە جە شەوق
شەوقی ئەو ئایر لېت مەبۊ بە زەوق

پەروانە جە پەی هەوای دۊسەوە
پەی دۊس مەگېڵۊ وە کەڵپۊسەوە

وېش مدۊ بە شەم، ئەو بە بۍ درەنگ
مەبۊ بە زوخاڵ جېش نمەیۊ دەنگ

دڵ ئەر عاشقی، چۊن پەروانە بە
وەرنە شۊ ساکن، وېران یانە بە

++++++++++++++++++++++