شاعیر: بێسارانی
کتێب: دیوانی بێسارانی
سەرناو: خونچەگوڵ جە گڵ
سەبارەت: هێنانە سەر ڕێنووسی هۆرامی: ئاکۆ مارانی

خونچەگوڵ جە گڵ... 
زیاوە جە پەی نەو-وەهار جە گڵ

جە دلېو چەمەنان وەندەوە بوڵبوڵ
ئاخ پەی هام دەردێ چۇن من داخ نە دڵ

بە دیدەی زوخین، بە دڵەی پڕ داخ
بشیامێ وە سەیر گوڵخونچانی باخ

ناڵەمان کەردا چەنی بوڵبوڵان
ئېمە پەی یاران، ئەوان پەی گوڵان

تا وادەی فەسڵ نەو-وەهار شېیا
دەنگی ناڵەمان نە چەمەن بېیا

مدیۊ کەس نېیەن، غەیر جە من فېشتەر
هەر دەم دەردی یار، لېم مدۊ نېشتەر

هەر من دەردینم، منیچ سا جارێ
مدیە جە ناکا جەوەر مەغارێ

بەی گشت دەردەوە، بەی دیدەی نمناک
گیانم تەسلیم بی، خەڵتان بیم نە خاک

++++++++++++++++++++++