شاعیر: بێسارانی کتێب: دیوانی بێسارانی سەرناو: جامی خاترم گەردئالۇد بېیەن سەبارەت: هێنانە سەر ڕێنووسی هۆرامی: ئاکۆ مارانی جامی خاترم گەردئالۇد بېیەن بازاڕی سەودام بە بۍ سۇد شېیەن سۊزی هەناسەم نمانا سەردی گېڵا ڕەنگی باخ شادیم، بە زەردی خەمی دنیای دۇن جە نەزانیی وېم هەر شەو سەد نەشتەر فېشتەر مەدۊ لېم چندێ دڵ پەشېو ناڵەی شەوان بیم جەلابەخشی دەرد، گشت بۍ خەوان بیم سەرمایەی دیدەم غەیر جە هۇن نەبی هیچ کارێم چەنی دنیای دۇن نەبی ئیسە بە وېنەی دنیاپەرەستان دنیاپەرەستم بە هەزار دەستان ++++++++++++++++++++++