شاعیر: بێسارانی
کتێب: دیوانی بێسارانی
سەرناو: تافی دێۋەزناۋ (٢)
سەبارەت: هێنانە سەر ڕێنووسی هۆرامی: ئاکۆ مارانی

تافی دێۋەزناۋ... 
تافی شەیدای عەشق، تافی دێۋەزناۋ

بە سۊزی سەدای سازی تەرانە
مەشانۊ کۊکۊ مرواری دانە

جۊشش زەریفەن، شیرینەن، دڵبەر
بۍ حەد مەدەرۊ مرواری وە بەر

شۊر و نەغمەی سۇزانی پېشەن
داخۊم ئەی سەودا جە عیشقی کېشەن؟ 

هەر کەس عاشقەن پېسە جەستەش بۊ
پېسە جۊیای وەسڵ ئاوات وەستەش بۊ

++++++++++++++++++++++