شاعیر: بێسارانی
کتێب: دیوانی بێسارانی
سەرناو: بەڕەزایێ هەن جە سای کەمەردا
سەبارەت: هێنانە سەر ڕێنووسی هۆرامی: ئاکۆ مارانی

بەڕەزایێ هەن جە سای کەمەردا
پەخش و پەڕ کەندەن، بەو سەران دەردا

چۇن زوڵفی یاران سافی سەراوېز
مەگېڵۈ نە دەور تۊفانی سوب خېز

گا گرژ و لۇلەن، چۇن زوڵفی نەمناک
گا با مەکەرۊش تاتا جە هەم تاک

بەرمەیۊ نە پای بەرزە مەغاران
شەماڵ مەشانۊش، چۇن زوڵفی یاران

شېوەی بەڕەزا ها بەو زوڵفەوە
بەو زنجیرەی زوڵف دەستی توڵفەوە

++++++++++++++++++++++