شاعیر: بێسارانی
کتێب: دیوانی بێسارانی
سەرناو: چراغم وەفات

چراغم وەفات... 
بێ بەینەتەنی هیچ نیەن وەفات


سێ ساڵ چوون یەک ڕۆ من کێشام جەفات
جەو سێ ساڵ جارێ، هیچ نەدیم وەفات


سی و شەش ماهەن من، جەفات مەکێشوو
یانەی سەبرم سفت تاکەی مەنیشوو


قیبلەم حیساب کەر ساعەتان چەندەن
جە گرد سەعاتێ دڵ جە لات بەندەن


بیست و پەنج هەزار نۆسەد و بیستەن
دڵ مەیلش بە تۆن، هەر تۆش ئەویستەن


هەزار و هەشتا ڕۆوان بی کامڵ
ڕۆیێ مورادم لێت نەبی حاسڵ


ئەر تۆیچ مەیلت هەن، ڕاس بواچە پێم
وەرنە ساکن بوون با جە یانەی وێم

++++++++++++++++++++++