شاعیر: بێسارانی
کتێب: دیوانی بێسارانی
سەرناو: چراغم زامان

چراغم زامان... 
ماچان مەنمانی مەرهەم پەی زامان


زامێ لێم کریان دەستم بە دامان
دڵ چەنی ئەو زام تا مەرگ سامان


هوونی زام کەردەن گوڵ گوڵ دامانم
ئەی زام بی ئاهیر پەی گشت زامانم


لوقمان نەبەردش عیلاج نە جەستەم 
نەنمانان مەرهەم پەی زامی خەستەم


ئەرستۆ دەوای دەردم نەزانا
ئیفلاتون دوعای لاحَولش وانا


فەرهاد جە ئاهم بێستوون بێزا
مەجنوون جە ناڵەم جە نەجد گورێزا


ئەو زامە وەسۆن تا وە ڕۆی مەردەن
یە بێ مروەتێ ئی زام لێم کەردەن

++++++++++++++++++++++