شاعیر: بێسارانی
کتێب: دیوانی بێسارانی
سەرناو: چراغ بەدکاران

چراغ بەدکاران... 
مەزانی چوونەن واتەی بەدکاران؟ 


بەو سەیل مەنمانۆ، جەوەڵ وەهاران
مەوارۆ وە ساق سپی چناران


نەمەتاوۆ ڕەنگ سپیش بەرۆوە
نە باڵاش جەو تەرح کۆتا کەرۆوە


هەر چەند فێشتەرەن، سەیلی وەهاران
خاستەرەن ڕەونەق چەتری چناران


ئازیز ئەر سەد بار بەدانی بەدگۆ
وێنەی سەیل بەدیی من واچان بە تۆ


تۆ هەر بەو چنار سپی بنمانە
جە واتەی بەدان جەلا بستانە

++++++++++++++++++++++