شاعیر: بێسارانی
کتێب: دیوانی بێسارانی
سەرناو: قیبلەم داخەوە
سەبارەت: هێنانە سەر ڕێنووسی هۆرامی: ئاکۆ مارانی

قیبلەم داخەوە...
تۊ وەش بای، مەردم من بە داخەوە

داخۊ بۊ تۊ بەی وە بەیداخەوە؟
مەیل کەی بە جەستەم بە دەماخەوە؟

بەیداخان پەخش کەی وەسەر باڵادا
لەرزان بان وەبان باڵای ئاڵادا

پەی چېش وە بۍ تۊ، بینایی دیدەم
سوپای خەم نە دڵ وەنەم بېیەن جەم؟

سا بە فیدات بام جە بەیداخان بۊ
با داخان ساڕېژ خەم پەی داخان بۊ

++++++++++++++++++++++