شاعیر: بێسارانی
کتێب: دیوانی بێسارانی
سەرناو: شینم کەر وە نەرم
سەبارەت: هێنانە سەر ڕێنووسی هۆرامی: ئاکۆ مارانی

شینم کەر وە نەرم...
واچدۍ بە قیبلەم، شینم کەر وە نەرم

بە ڕشتەی چاوان، بە ئەسرینان گەرم
بانگ هۊردۊ وە سەر بۍ پەروا بۍ شەرم

زینهار چۊی تەرمم با نەونەمام بۊ
وېنەی باڵای ئەو نازک ئەندام بۊ

ئەی بەڵا باڵای ئەو پەی کەردەنان
عەشقی دینی ئەو بە خاک بەردەنان

ئەوسا دۇ چېوە تەرمم سوار کەن
جەو درەنگەدا، یار خەبەردار کەن

نیم نیگایێ ناز چەنیم بکېیانۊ
غەمزەش وە باڵای قەبرم بشانۊ

++++++++++++++++++++++