شاعیر: بێسارانی
کتێب: دیوانی بێسارانی
سەرناو: شیرین شەرت و بەین
سەبارەت: هێنانە سەر ڕێنووسی هۆرامی: ئاکۆ مارانی

شیرین شەرت و بەین...
قات بېیەن جە لات، ڕەویەی شەرت و بەین

چۇن خۊفت نېیەن تۊ جە من و بەین
قەتڵت واجېبەن، وە گەردەنم دەین

پەی چېش کە جە لای شەرت و شۊن داران؟
ساحیب وەفا و بەین ڕۇی ڕۊزگاران

هەر کەس بۍ شەرتەن جە بەینەت دۇرەن
واجب القتلەن، ئەر سەد چۇن حۇرەن

تۊ خوڎا خەیرت دۊ، ئازیزەی نەبات
چمان شەرت و بەین قات بېیەن جە لات

ئەگەر مەزانی زوڵفان عەنبەر بۊ
بۍ شەرتی خاسەن، تۊ کەردەن بە خۊ

تەقسیرێ مەگیر من بېزارم لېت
چەنی بۍ شەرتی وېت مەزانی وېت

++++++++++++++++++++++