شاعیر: موختار
کتێب: دیوانی ئەحمەد موختار جاف
سەرناو: نموونەی ڕوویی تۆیە پەڕڕەیی گوڵ

نموونەی ڕوویی تۆیە پەڕڕەیی گوڵ
فیدات بم ئەی بەنی جەرگ و پەڕەی دڵ


توخوا ئەی گوڵ بەسە تۆ ناز و عیشوە
چییە ڕەحمێ بکەی جارێ بە بولبول


نیگارا چی ئەبێ ماچێ کەرەم کەی
بکەی مەقسوودی ئەم بیمارە حاسڵ


وەکوو ناڵینی من وایە لە عیشقت
فوغان و زەمزەمەی بولبول لەسەر چڵ


بە توندی بەس بڕۆ، بێ، ڕۆحەکەی من
بە چاوما پێ بنێ با بەس بکا گل


مەحاڵە تەرکی ساقی و یار و بادە
بەسە واعیز مەکە توخوا قسەی زل

++++++++++++++++++++++