شاعیر: موختار
کتێب: دیوانی ئەحمەد موختار جاف
سەرناو: گرپە و گڕەی تەنوورە بڵێسەی هەناوەکەم

گرپە و گڕەی تەنوورە بڵێسەی هەناوەکەم
سیروان و تانجەڕۆیە خوڕەی ئاوی چاوەکەم


شێواوی موویی خاوی کەسێکم بە ڕۆژ و شەو
بۆیە پەشێوە ئێستەکە، بیرە بڵاوەکەم


ڕۆژێ بە پێکەنینەوە فەرمووی دە بێرەوە
بۆ پاسی نیوەشەو سەگە قول هەڵکراوەکەم


دیسان وتی: شەکەر لە دەمت دێتە دەر ئەگەر
ژەهریش بخۆیتەوە کە ببێ بێنی ناوەکەم


ئەم کۆمەڵی گوڵاڵە کە ئاڵن لە کێو و کەژ
ئاویان دراوە گشتی بە خوێنە ڕژاوەکەم


تۆ بێ خودا دەسا وەرە ئەی نووری چاوەکەم
ساڕێژ کە زامی لەتلەتی جەرگە بڕاوەکەم


باوەڕ مەکەن ببن بە - - کوردی شارەزوور
بێ ترس ئەڵێم لە ڕاستی دڕاوە کڵاوەکەم

++++++++++++++++++++++