شاعیر: موختار کتێب: دیوانی ئەحمەد موختار جاف سەرناو: بێ تاقەت و مەحزوونە ئەم دڵمە لەبۆ دینت بێ تاقەت و مەحزوونە ئەم دڵمە لەبۆ دینت ڕەحمێ بکە سا قوربان دەرخە ڕوخی ڕەنگینت شەهد و شەکەر ئەی قوربان بازاڕی شکا یەکجار لەو وەقتەوە وا دەرکەوت لەعلی لەبی شیرینت گریەی منی بێچارە شام و سەحەر ئەی دڵبەر ئەسڵەن نییە تەئسیری لای ئەو دڵی سەنگینت نەسرین و گوڵ و لالە مەحجووب ئەبن و والە گەر لابدەی ئەو بورقەع، دەرخەی تەنی سیمینت حوور و پەری و غیلمان بێ قەدرە لەلای ئەحمەد لەو وەقتەوە وا دیویە ڕوخساری نیگارینت ++++++++++++++++++++++