شاعیر: سالم کتێب: دیوانی سالم سەرناو: یادی زوڵف و ئەبروو و موژگانی یار یادی زوڵف و ئەبروو و موژگانی یار زەخمی تیرە، زەربی تیغە و زەهری مار طرفة العَینێ جودا نابم لە دۆست گەر بە دەستم بێ زەمامی ئیختیار وا لە قەیدی زوڵفتا ئاشوفتە بووم شوبهەیە کارم بە وەزعی ڕۆژگار ئیبتدا دایەی ئەزەل تەنخواهی شیر دای بە تیفلی تالیعی من کووکنار دەست ئەدا بۆم ڕوو لە ڕووماڵینی دۆست گەر موقارین بێ خەزان و نەوبەهار کەی بە سالم دەردەچێ سالم کە بوو سەیدی سەحرایی شکاری شەهسوار ++++++++++++++++++++++