شاعیر: سالم
کتێب: دیوانی سالم
سەرناو: ئاسمان دیهقان و عومرم کشت و داسی ماهی نەو

ئاسمان دیهقان و عومرم کشت و داسی ماهی نەو
سەرەفگەندە و ئیستادەم خووشەئاسا بۆ درەو


تا بە ڕەنجی عیشقی یاری گەندومین ڕووم جووتە غەم
نانوێنێ خەرمەنی دونیا لەلام یەک دانە جەو


سازشی چوار جینس لە چوار نەوع چوار یار نادەن بەهەم: 
ئاب و ئاتەش، گورگ و گەللە، عەقڵ و مەستی، عیشق و خەو


یاری ساحیب مروەتم ئووفتادەکانی دا سەدا
سەگ بە گورگەلۆقە هات و سالمی میسکین بە دەو

++++++++++++++++++++++