شاعیر: حاجی قادر
کتێب: غەزەل
سەرناو: کە تۆفانی سروشکم کەوتە غەوغا

کە تۆفانی سروشکم کەوتە غەوغا
بە مەه ماهی گوتی: یا حافظَ الله


ئەمن عەنقاترم بۆچی زەبوونم
لە لام وەک قافە باری تەنکی ئەسما


دەزانن من کە بێ دار و دیارم
سەگی مەجنوونم و غەمخواری لەیلا


لە دنیا هەر کەسێ مەقسودی عیشقە
بکا وەک من بە کوللی تەرکی دنیا


کە دایهێنا و هەڵینا چاوی مەستی
ڕەوان فیدا دەکەم دڵ چاکی هێنا


فەلاتوون تۆ دەڵێی دنیا قەدیمە
لە خمخانەت بنێن وەک خۆت لە خم نا


ئەدی بۆچی زەمینیش بۆتە گەردوون
لە سەیلی ئەشکی توندی بێ موحابا


موسڵمانان سوخەن سەربەستە تا کەی؟ 
لە دەست ئەو کافری بێدینی تەرسا


لە هەردوو لاوە زولفی کەوتە گەردەن
نە لەم لا دەردەچێ حاجی نە لەو لا

++++++++++++++++++++++