شاعیر: حاجی قادر
کتێب: غەزەل
سەرناو: بە ڕوخ و زولفی شەو و ڕۆژی هەتا ڕۆژ و شەوە

بە ڕوخ و زولفی شەو و ڕۆژی هەتا ڕۆژ و شەوە
گرپەیی دەم بە دەمم دوژمنی خوێنینی خەوە


فیتنەیی غەمزە و و نازی نیگەه و چاوە کە وا
هات و هاوار و هەرا و گێچەڵ و تاڵان و ڕەوە


دڵ لە فیکری دەهەنت هالیکی ڕێگەی عەدەمە
یا موقیمی سەری زولفی تۆ وە یا ڕاهڕەوە


لەگەڵ ئەم ئاهووە دێ ئەم سەگی ڕیش کۆن و نوێ
دێتە سوو، دێتەوە سوێ، ڕێشێ کە کۆنەجدەوە


لە بەهای موژدەیی وەسڵی قەدەمی چت بدەمێ
دڵ ئەنیسی سەری کۆی دولبەرە جانیش گرەوە

++++++++++++++++++++++