شاعیر: هێمن
کتێب: تاریک و ڕوون
سەرناو: ڕەق هەڵاتم
سەبارەت: ١٣٤٧

من لە داخی خزمی خوێڕی و ئاشنای ئەحمەق هەڵاتم
من لە ترسی زاق و زووقی ئەمنیەی چاوزەق هەڵاتم

کوا بەخۆشی خۆم بەجێ دێڵم وڵاتی خۆشەویستم؟ 
من لە ترسی زللە و باتووم و دار و شەق هەڵاتم

هەر بەپێیان و بەکۆمەکۆمە گەیمە ئەم وڵاتە
ڕەنگە پێت وابێ بەسواری مایەنی گوێ لەق هەڵاتم

(نۆکەری بێگانە ناکەم) هاتە جێ فەرمایشی خۆم
وا لە برسان و لەبەر بێ بەرگی ئیمڕۆ ڕەق هەڵاتم

++++++++++++++++++++++