شاعیر: هێمن
کتێب: تاریک و ڕوون
سەرناو: جۆلانە
سەبارەت: ١٣٣٩

چوومە لای دوکتۆر و گوتی
نەخۆشی دەردەکەت سەختە
گوتم: تۆ پێت وایە دەمرم؟ 
بەداخەوە، گوتی: وەختە
***
ئەو دڵەکوتەی گرتووتە
پیاوی بەهێزیش بیگرێ
بێتوو ئاگای لە خۆی نەبێ
 هێندە پێ ناچێ دەمرێ
***
پێکەنیم و گوتم دوکتۆر! 
ناڵێم زانا و شارەزا نی
بەڵام تۆ پزیشکی ویشکی
باری دڵداری نازانی
***
دڵەکوتەم نییە، دڵم
جێی کیژێکی خانومانە
منداڵە، ئۆقرەی ناگرێ
بۆم دروست کردووە جۆلانە

++++++++++++++++++++++