شاعیر: مەولەوی
کتێب: ئەو شیعرانەی دراونەتە پاڵی مەولەوی
سەرناو: ئاینەی زهوور سیفات غەیبی

ئاینەی زهوور سیفات غەیبی
مەکان تلووع سیڕ «لاریب»ی


بورهان قاتیع ئیسبات هەستی
داروو پەی دەماغ خودبینی و مەستی


وەی دیمەی حوسن، وەی نماناوە
بوور دڵ دیسان ئایر ساناوە


بەند بڵێسەی شەوق لێم کەردەن ئەسەر
جە لوولەی پێشەم گڕ مەیۆ وەبەر


تەمام ئەعزام نەڕووی پەردەی پۆس
مەشغووڵەن وە زیکر ئیسبات یا دۆس


غەیر جە حایلێ هیچ نییەن باقی
وادەی دەورەتەن هانا هەی ساقی


مەستم کەر وە جام بادەکەی سەرشار
تا کەس نەزانۆ منەنان یا یار

++++++++++++++++++++++