شاعیر: مەولەوی
کتێب: ئەو شیعرانەی دراونەتە پاڵی مەولەوی
سەرناو: تەسکین دڵەی پڕ جە خارەکەم

تەسکین دڵەی پڕ جە خارەکەم
دەرمان زامان بێ قەرارەکەم


نامەکەت کیاست وە لای من یاوا
پەیاپەی نە ڕووی دوو دیدەم ساوا


دەروونت وە کوڵ جۆش ئاوەردە بێ
کزەی دووریی وێت ئیزهار کەردەبێ


دێوناتەوە دەرد، کوورەی دەروونم
کولناتەوە زام، دڵەی پڕ هوونم


نمازی ساتێ ڕاحەت بوون پەی وێم
دەک بێبەڵا بای چێش مەکەری پێم


من خۆ کەم زووخاو هیجرانم وەردەن
ئەمجار کزەی تۆیچ تەمامم کەردەن

++++++++++++++++++++++