شاعیر: مەولەوی
کتێب: دیوانی مەولەوی
سەرناو: ئەو جا بەزمگەی

ئەو جا بەزمگەی کەس جێ نەڕەستە
مەنزڵگەی سەیاد هەزاران خەستە


من نەچیرەکەی هەزار زام وەردە
هەر زامێ پەی وێش زوخاو سەر کەردە


ترسیای سەدای ماردم هۆش بەردە
ڕەمیای بۆی بارووت هەردە وە هەردە


کەی تەوانای سەبر دیارانمەن، 
یا پەروای تاقەت بێیارانمەن؟ 


ڕووم کەرد وە سارای هەرد و بەردەوە
وە سەد ترس و لەرز جەستەم شەردەوە


چ داوایێوەن مەکەردێم چەنی؟ 
بازدێم، نیم ڕەمەق پەی جارێو هەنی

++++++++++++++++++++++