شاعیر: مەولەوی
کتێب: دیوانی مەولەوی
سەرناو: چون چیهرەی خەیاڵ

چون چیهرەی خەیاڵ ڕوخسارەکەی وێش
نە تۆی پەردەی دڵ مەعدوومیی دڵڕێش


نمانا جەمین شای سۆسەن خاڵان
کەمکەم جە گۆشەی لای سیاماڵان


زەمین منەتبار پا منیا و مەویەرد
جارجار وە ڕووی ناز باوەشێن مەکەرد


باوەشێن مەکەرد ئەو سەفحەی بێگەرد
نازکیش جە باد ئیحتیات مەکەرد


نە تۆی تاریکی تای شەدەی بێگەرد
لەتافەت چون ئاو حەیات مەوج مەوەرد


غەریب بیم چەنیم کەرەم نمانا: 
وە سەوقات پەرێم خەدەنگێ شانا


ئەر سەد چون یاران گیان تەسلیم کەردم
خاس بی پەی یادگار خەدەنگێ بەردم

++++++++++++++++++++++