شاعیر: مەولەوی
کتێب: دیوانی مەولەوی
سەرناو: وەهارەن، سەوزەن

وەهارەن، سەوزەن، ئاوەن، سەرکاوەن
هاژەی وەفراوەن، شاخەی شەتاوەن


ساقییەن، بادەن، نەسیمەن، بادەن
بوڵبوڵ جە دەورەی گوڵان ئازادەن


بەزمەن، شادییەن، عەیشەن، نیشاتەن
کەیفەن، شۆخییەن، شەوقەن حەیاتەن


سەنگەن، کۆسارەن، سەرکووەن، هەردەن
خەمەن، مەینەتەن، زوخاوەن، دەردەن


هیجرەن، دوورییەن، عیجزەن، فیراقەن
واوەیلا و شینەن، ناڵەی عوشاقەن


سەبزەن، سۆسەنەن، نەورۆزگوڵانەن
کەمەرەن، هەردەن، ملەن، کەڵانەن


سەرعییەن، شەیدان، نەجدەن، مەجنوونەن
مەزاقەن، جامەن، پیاڵەی هوونەن

++++++++++++++++++++++