شاعیر: مەولەوی
کتێب: دیوانی مەولەوی
سەرناو: نەمەندەن خەیاڵ

نەمەندەن خەیاڵ فەردان کەردەنم
فەرد ها بی وە تەوق شی نە گەردەنم


ئەر فەڵەک گەردش نەدا نە ڕووی بەخت
نەوستاش ئەو گێج گەردەلوولی سەخت


ئارەزووی دیدار یارانم کەردەن
هەوای سەیرانم وە دڵ ئاوەردەن


بگێڵوون چەنی هامفەردان وە شاد
وە سەر بەرزاندا خەم بدەون وە باد


وەر کوشتاش جە داخ نەدیەنی یاران
چەندجار کوشتانێش، ئێدیش چون جاران

++++++++++++++++++++++