شاعیر: مەولەوی
کتێب: دیوانی مەولەوی
سەرناو: سەر حەڵقەی

سەر حەڵقەی فیرقەی نازک خەیاڵان
دیباچەی کیتاب ساحێب کەماڵان


جیلوەی جەلای دۆس تەدریج پەی یاران
مبۆ، تا وە قەدر تاقەت بویاران


گا وە تەبەسسوم بَیْضا بێزەوە
گا وە تەکەللوم شەهد ئامێزەوە


تەبەسسوم وە ناز زوڵمەت زەداوە
تەکەللوم وە ڕاز وەحشەت فزاوە


ئەر دەس پەی نیقاب تەمام بەردەوە
جە ڕوخسارەی وێش پەردەش دڕدەوە


فەنا پەی عاڵەم پا منیۆ ئەو پێش
باقی ئەو مبۆ، وێش ممانۆ، وێش

++++++++++++++++++++++