شاعیر: خانی
کتێب: دیوانی ئەحمەدی خانی
سەرناو: سەروا مە ب زەرزەنگ و هەزار عشوە و مەش هات

سەروا مە ب زەرزەنگ و هەزار عشوە و مەش هات
عاشق کرن ئەحیا ل رەقیبان کو نەخوەش هات


سونبول کەملاندن گول و لالە خەملاندن
رەیحان شەتلاندن ل روخان تازە بنەفش هات


تەن دەرڤە نەبوو قەت نەددا بەختی گوشادەک
ڕوو دا مە شوکر کەعبەئێ تالع کو دوو شەش هات


تیپێ د فڕەنگان ب غلوو هاتنە رۆمێ
شوکرانە نیهانە ژ عەرەب هەم ژ حەبەش هات


ڕەشتۆزێ خوە نووبارە مە گەر گۆشە دخوازن
تیرا گۆشەئێ دا تە هەدەف گرت و ب کەش هات


یان هات و ب نیڤا دلی کەت قەت نە دوەستا
لەورا کو ژ بەر قەوسێ مە دی زێدە ب وەش هات


خانی بەسە بێ عاری چڕا زێدەئێ سالان
ئیسالە ژ خوە تالع و بەختێ نە ب ڕەش هات

++++++++++++++++++++++