شاعیر: خانی
کتێب: دیوانی ئەحمەدی خانی
سەرناو: سەیدێ چەنگالا سەرێ زولفا شەها شەهبازم ئەز

سەیدێ چەنگالا سەرێ زولفا شەها شەهبازم ئەز
مەستێ جاما عشوەیا شەهنازێ نازک نازم ئەز


رەمز و ئعجازێ دخووبان بێ عبارەت مەدح دکەم
مورشدێ کامل ئەزم ئیرۆهە ساحب ڕازم ئەز


بەیزەیا ئەز تێ عەبەس بوو ئاشیانا من قەفەس
گەر چ دل تێ پڕ هەوەس بوو بێ پەڕ و پەروازم ئەز


ڤێ حەیاتا حیرەتێ چ بکەم بەقا نینە ژ بۆ
لەو شەهیدێ غەمزەیا وێ دلبەرا تەننازم ئەز


دەردەمەندەک من دڤێتن هەمنەفەس بت خانییا
گەر مە هەمدەستەک هەبیتن سازێ خوەش ئاوازم ئەز

++++++++++++++++++++++