شاعیر: نالی
کتێب: دیوانی نالی
سەرناو: ئەی سەروی بوڵەند قەدد و برۆ تاق و مەمک جووت

ئەی سەروی بوڵەند قەدد و، برۆ تاق و، مەمک جووت! 
کێ دەستی دەگاتە بەی و ناری نەگەیشتووت؟ ! 


دەم هەمدەمی غونچێکە نەپشکووتووە هێشتا
با کەشفی نەکرد بەرگی عەترپۆشی گوڵی ڕووت


گریانی من و خەندەیی تۆ ئێستە دەشوبهێ
بەو مەوسیمی بارانە کەوا خونچە دەپشکووت


خڵخاڵی قەدم، وەک خەمی زولفەینی سەراپات، 
پشتانی قەدت بێت و فیدای بازنی بازووت


خاڵی نییە نالی دڵەکەت ساتێ لە هیجران
تا تاری وجوودت نەپسێنێ مەلەکولمووت

++++++++++++++++++++++