شاعیر: دڵدار
کتێب: دیوانی دڵدار
سەرناو: ڕۆڵەی تازە
سەبارەت: (١٩٤٠) لەسەر وەزنی «سویت هوم» ئەوترێ

من ڕوڵەی کوردستانم
تازە ڕوڵەی کوردانم


تاکوو وڵات سەرکەوێ
فیدایە ڕوح و گیانم

***

پێویستیم بە زانینە
زانین بناغەی ژینە


گەر گەلێ بێ زانین بێ
گەر زیندووش بن مردینە

***

ئێمە بەیانی گەنجین
لەم خاکەدا لە ڕەنجین


ڕەنجدان نیشانەی گەنجە
ئێمەش خولقاوی ڕەنجین

***

وەتەن باغی جینانە
موحتاجی بازوو و شانە


هەر کەسێ کۆششکەر بێ
لەم باغە باغەوانە

***

وەتەن موحتاجی تۆیە
ڕێگاکەت جوستوجۆیە


میللەتێ سست بژیتن
لە مەیدان وەکوو گۆیە

++++++++++++++++++++++