شاعیر: میر سادقی دینەوەری
کتێب: مەلنامە
سەرناو: سەرەتا
سەبارەت: مەلنامەی میرسادقی دینەوەری: لێكۆڵێنەوەی: د. سدیق بۆرەكەیی، هەولێر، ئەكادیمیای كوردی، ٢٠١٢، لاپەڕە ٧. - نووسین: کەماڵ ڕەحمانی - سەرچاوە: https: //t. me/farhangibalnda

نەووەهار ئاما وەشەن دەر و دەشت
کوردستان ماچی بەهەشتەن بەهەشت

وای شەماڵ شەق شەق شکاوا یەخبەند
نە هەرکۆ مەشی مەوێنی زەمەند

گرمەگرمی هەور جە ئاسمان خێزا
بەهەشتش نە چەم گرد مەلان بێزا

شای وەهار وستەن ئانە رەنگ و بۆ
تا بەیان یاران وەشی کەن جە نۆ

جۆق جۆق مەلان ئامان وە گوڵزار
نیشتن نە سەر کۆ و قووڵیی و نزار

++++++++++++++++++++++