شاعیر: ژیلا
کتێب: گەشەی ئەوین
سەرناو: کەلەبچە

تاڵێ لە پەلکەزێڕینەی یادەکانتم
بەست بە قامکی شیعرێکەوە
بۆ وەی هەر کاتێ ئەیبینم، 
مووچڕکی ئۆخەی و خۆزگا بێ بە دڵما و
بەرگەی خەمی دووریت بگرم
ئێستا ئەو تاڵە زەڕکەفتە هەڵکشاوە
کەلەبچەیە و لە مەچەکی هەناسەکانم ئاڵاوە
چەند بجووڵێم زیاتر لە گیانم توند ئەبێ و
لە خەزانی خۆشەویستی و گڕ بارانی دووریی تۆدا
ئۆخەی ژاکا... خۆزگەم بە پەلکەزێڕینە

++++++++++++++++++++++