شاعیر: ژیلا
کتێب: گەشەی ئەوین
سەرناو: کە خەو بە تۆوە ئەبینم
سەبارەت: پێشکەشە بە کورتە شیعرەکانی نەجیبە ئەحمەد بە نێوی «وردە گلەیی»

(١)
خەو ئەبینم
دەستم ئەگری و لە تۆفانی سەرسامیدا
بەرەو کەنار ئەمڕفێنی
بۆ بەیانی... 
خۆت تۆفانی

(٢)
لە خەوما تۆ
کورە باڵا بەرزەکەیت و
دەس هەڵئەبڕی
لە باخەکەی دراوسێتان
سێوێک ئەدزی و ئەیدەی بە من
دائەچڵەکێم
باخەوانێکی تووڕەیت و
سێوەکەت لێ دائەشارم

(٣)
هەرچی شەوە تۆ پاڵەوانی خەوەکان
تۆ ئەستێرە و شاخ و ئاسمان
جوانی و بزە و مێهرەبانی... 
بۆ بەیانی؟

++++++++++++++++++++++