شاعیر: ژیلا
کتێب: گەشەی ئەوین
سەرناو: شەهید

ڕۆژێ هەرد، و گوڵ، و درەخت و مەل
لە قوڵپی گریانی هەتاو
سەریان سووڕ ما
گوڵ چارشێوی دا بە سەریا
هەموو تێکڕا چوون لەگەڵیا
چوون بۆ لای خۆر... 
چاک و چۆنی؟ ... چی قەوماوە؟ 
خۆر هەناسەیەکی هەڵکێشا و
دەستی بۆ دۆڵێ ڕاکێشا
لەو دۆڵەدا، لە باوەشی گوڵجاڕێکا
ڕەوە ئەسپێکی سم تەڵا
نۆمایەکیان هەر بە یاڵی خوێنینەوە
لە سەر سنگی خاک ڕاکێشا
هەردە و کێو و گوڵ و گیا
هەموو گریان.

++++++++++++++++++++++