شاعیر: عەبدوڵڵا پەشێو
کتێب: بەرەو زەردەپەڕ
سەرناو: گوڵمێخەک
سەبارەت: (١٩٩٩/٦/١٠ - هێلسنکی) - نووسین: ناشناس - سەرچاوە: https: //t. me/abdulla_pashew

لە باخێکدا
گوڵمێخەکێک دڵمی ڕفاند. 
بە خەمساردی
دەستم نایە بینەقاقای بۆ چنینی. 
لە پڕێکا
لە جێگەی گوڵ، گوڵم نەدی، 
خۆمم بینی! 

ڕاچڵەکیم و بە بیرما هات: 
( منیش، ئەمڕۆ، 
وەک ئەو گوڵە دەشنێمەوە، 
بێپەروام، ئاسوودەم، هێمنم... 
ئەی کێ دەڵێ، هەر وەک ئەویش، 
دەستی مردن
نێزیک نییە لە گەردنم؟ ! . )

++++++++++++++++++++++