شاعیر: عەبدوڵڵا پەشێو
کتێب: بەرەو زەردەپەڕ
سەرناو: ڕازێک
سەبارەت: (‌١٠؍٩؍١٩٩٩ ــ هێلسنکی) - نووسین: ناشناس - سەرچاوە: https: //t. me/abdulla_pashew

من دوو ساڵە
سەوداسەری درەختێکم، 
کە جێی پشت پەنجەرەی منە. 
سەد جاریش خۆی گەڵاپۆش کا، 
من بە ڕووتی ئەو دەبینم: 
درەختی چی؟ ! شۆڕە ژنە! 

بەڵام چەند دەکەم تێناگەم، 
کە بەهاران
شیرینەکەم ژان دەیگرێ و
چرۆ دەکا، 

کە پایزان
جگەرگۆشەی دادەوەرن
لەبەر بادا، 

کە شەوگاران
کڕێوەیەک دەزریکێنێ و
هاودەنگ قاتە لە دنیادا
خۆ من چرام تا بەیانی هەر دەسووتێ، 
بۆچی جارێک لە پەنجەرەی ڕۆشنام نادا؟ !

++++++++++++++++++++++