شاعیر: عەبدوڵڵا پەشێو
کتێب: بەرەو زەردەپەڕ
سەرناو: لە کاتی بۆردوماندا
سەبارەت: (سەرەتای ١٩٩٠ - تەرابلوس) - نووسین: ناشناس - سەرچاوە: https: //t. me/abdulla_pashew

ئاگربارانە... 
ئاگربارانە... 
کامیان هەڵگرم؟ 
کامیان دەرباز کەم؟ 

ئەمیان نەخۆشە و نۆبەرەمانە
ئەوی دی تازە پێڕەوەکە بووە، 
چاو پڕ بیبیلە، دەم پڕ زمانە! 
دوو دەستم هەبوون
یەک دوژمن بردی، یەکێکم ماون... 
کامیان هەڵگڕم؟ 
کامیان دەرباز کەم؟ 
ئەمیان بەندی دڵ، 
ئەوی تریشیان گلێنەی چاوە!

++++++++++++++++++++++