شاعیر: عەبدوڵڵا پەشێو
کتێب: بەرەو زەردەپەڕ
سەرناو: لێکدابڕان
سەبارەت: (‌١٩٩٣/١١/١٣ - مۆسکۆ) - نووسین: ناشناس - سەرچاوە: https: //t. me/abdulla_pashew

ئێوارە بێ یا کازێوە، 
خۆرەتاو بێ یا شڵێوە؛ 
لە هەر کوێ بیت: 
لەناو کونە ئەشکەوتێکا
یا شارێکی پڕ هاتە هات؛ 
لە کونجێکی تاراوگەدا
یازنجێکی کاولەوڵات؛ 
هەرکاتێکی مەیلت لێ بێ، 
من دەبمەوە با و بە چرکەیەک دەگەمە لات. 

تۆ هیچ نا، هەر هێندە بکە، 
بڕۆ، درختێک ڕاسپێرە
چۆلەکە دەوریان دابێ. 
بڕۆ جۆگەیێک ڕاسپێرە
پەیکی پێلی بە ئاگابێ.

++++++++++++++++++++++