شاعیر: عەبدوڵڵا پەشێو
کتێب: دیوانی پرێسکەی عاشقێکی زگماک
سەرناو: هەڵبژاردن
سەبارەت: (٢٠٠٥/١١/١٢ - کوردستان) - نووسین: ناشناس - سەرچاوە: https: //t. me/abdulla_pashew

سەرپشک بە و هەڵبژێرە: 
دەوڵەمەندێک
گەنجینەت بخاتە بەر پێ
شازادەیەک
چیت مەرام بێ، 
دەم و دەست بۆت جێبەجێ کا

جەنگاوەرێک 
لە پێناوتا شاران بگرێ، 
سەران ژێ١ کا
یا شاعیرێک 
بە یەک وشە
نێرگز لە بەژنت بپێچێ و
ئاگری گۆی مەمکت پێ کا! 


١. ژێ: ژەهـ (زە کمان)، تەل، وەتەری ئامێری موزیک

++++++++++++++++++++++