شاعیر: عەبدوڵڵا پەشێو
کتێب: دیوانی پرێسکەی عاشقێکی زگماک
سەرناو: بۆ ئه‌وەی نامه‌بارانی کردم
سەبارەت: (٢٠٠٣/١١/٢٢ - هێلسنکی) - نووسین: ناشناس - سەرچاوە: https: //t. me/abdulla_pashew

گیانی په‌روازەی من و تۆ
دوو کۆلارەی١ سه‌راسیمه‌ن به هه‌واوە. 
دەزووله‌یه‌ک له ڕۆشنایی 
به یه‌که‌وە گرێی داون. 

پێکیش نه‌گه‌ن، 
لەناو فه‌زای ئه‌ڵقه‌یه‌کدا، 
به ته‌مای ژوان، چه‌رخه دەدەن هه‌تا ماون! 


١. کۆلارە: شتێکه منداڵان له قاقه‌زی ڕەنگاوڕەنگ دروستی دەکه‌ن و هه‌ڵی دەدەن به ئاسماندا به دەزوو

++++++++++++++++++++++