شاعیر: عەبدوڵڵا پەشێو
کتێب: دیوانی برووسکەچاندن
سەرناو: دیوار
سەبارەت: (١٩٨٤/١٠/٣٠ - مۆسکۆ) - نووسین: ناشناس - سەرچاوە: https: //t. me/abdulla_pashew

(١)
تۆ، چەکەرەی چەمەنزاری
من، درەختێکی ڕەهندە
چۆن تێک بگەین؟ 
دیوارێکمان لە بەینایە
بیستویەک بەژن بڵندە! 

(٢)
- 'سەرت وێرانەی کۆنەیارانە
ئاخ، بۆچی زووتر لە دایک نەبووم
تا خۆم گشتیان بام بە تاقی تەنێ... '
+ 'خۆزگە درەنگتر دەهاتمە دنیا، 
دەبووم بەوانەی پاش من دەتگەنێ! '


فەرهەنگۆک: 
چەکەرە: چەقەرە، چووزەرە، نێرتکی تازەدەرچووی ڕوەک
ڕەهندە: عەوداڵ، تەرە، تەرکەدنیا، مشەخت، ماڵبەکۆڵ

++++++++++++++++++++++