شاعیر: عەبدوڵڵا پەشێو
کتێب: دیوانی برووسکەچاندن
سەرناو: مردن
سەبارەت: (١٩٨٢/٥/٧ - مۆسکۆ) - نووسین: ناشناس - سەرچاوە: https: //t. me/abdulla_pashew

ئەوەی دنیا جێدێڵێ، 
سوارە و ئەسپ تاو دەدا، 
زینە جێگەی مردنی؛ 
ڕەتبردن و گلانی
چۆن بوو، هەروا دەمێنێ
لەلای دۆست و دوژمنی. 

مردن! مادام تۆ هەر دێی، 
ڕۆژێکی ئاوا وەرە، 
خۆم بۆ لات بەڕێوە بم. 

ڕۆژێکی ئاوا وەرە، 
گڕم دانەمرکابێ، 
سەربەرز و بەپێوە بم! 


فەرهەنگۆک: 
تاو دان: غار کردن بە وڵاخ
زین: شتێکە لە چەرخ و تەختە درووست دەکرێ و لەسەر پشتی وڵاخی بەرزە تون دەکرێ و سوار لەسەری دادەنیشێ. 
ڕەتبردن: نووچ کردنی گیاندار
گلان: لەسەر وڵاخ کەوتنە خوارەوە
دامرکاندن: لە بزووتن و جووڵە خستنی شتێک

++++++++++++++++++++++