شاعیر: عەبدوڵڵا پەشێو
کتێب: دیوانی برووسکەچاندن
سەرناو: خوو
سەبارەت: (١٩٨٠/٨/١٨ - پۆتسدام) - نووسین: ناشناس - سەرچاوە: https: //t. me/abdulla_pashew

هه‌موو ڕۆژێ، سبه‌ینان زوو، 
دڵیژگه‌ی١ خۆم تژی٢ ده‌که‌م
له تیشکی ڕۆژ، 
له پێلی٣ سووری کاره‌با، 

وە‌ک نامه‌یه‌ک ده‌یپێچم و ده‌یده‌مه با. 
با سه‌رپشکه٤، 
لێی ناپرسم بۆ کێی ده‌با! 


١. دڵیژگه: دڵی بچکۆلانە
٢. تژی: پڕ، لێوانلێو، مشت، کەیل
٣. پێل: شه‌پۆل، په‌ل، قه‌لوه‌ز، شڵپاو
٤. سه‌رپشک: سەربەش، خاوەن بڕیار لە هەڵبژاردندا

++++++++++++++++++++++